I Volda har du tid til å gjere dei artige tinga. Til å oppleve den spesielle stemninga under studentVEKA. Til å bli utfordra i Noregs brattaste skikonkurranse under Vintersportfestivalen. Til å rocke til musikk frå ei av Noregs beste scener. Til å ete sveler og potetball i kantina. Til å engasjere deg i eitt av dei fleire titals studentlaga. Til å få erfaringar og kunnskap du kan surfe vidare på i framtida. Alt innan gangavstand.

Volda er hæla i taket og seriøst på same tid. Bustadprisane er heller ikkje eit minus - i Volda har du råd til å vere heiltidsstudent. Du får ein stor og god bustad til ein rimeleg penge, og velferdsordningane for studentane er godt utbygde.

Den intime atmosfæren, den gode kontakten mellom lærar og student, dei små avstandane og den tette og fruktbare koplinga mellom høgskulen og kulturbygda Volda gjer at du lett får assosiasjonar til klassiske europeiske
universitetsbyar.

www.hivolda.no